Home

தபால் மூலம் வாக்களிக்க 566,823 பேர் தகுதி.

தபால் மூலம் வாக்களிக்க 566,823 பேர் தகுதி.

இந்த முறை பொதுத் தேர்தலில் தபால் மூலம் வாக்களிப்பதற்கு 566,823 பேர் தகுதி பெற்றுள்ளனர். நடைபெறவுள்ள பொதுத்தேர்தலில் தபால் மூலம் வாக்களிப்பதற்காக 628,925 பேர் விண்ணப்பித்திருந்ததாக பிரதி தேர்தல்கள் ஆணையாளர் எம்.எம். மொஹமட் தெரிவித்தார். அதில் 62,102 பேரின் விண்ணப்பங்கள் நிராகரிக்கப்பட்டுள்ளன. இதேவேளை தபால் மூலம் வாக்களிப்பதற்கான வாக்குச்சீட்டுக்கள் நாளைய தினம் மாவட்ட தெரிவத்தாட்சி அலுவலகங்களிலிருந்த தபால் நிலையங்களுக்கு விநியோகிக்கப்படவுள்ளன.

மீளாய்வுக் கூட்டம்

மீளாய்வுக் கூட்டம்

மட்டக்களப்பு மாவட்டத்தில்; ஐக்கிய நாடுகள் அபிவிருத்தித்திட்டத்தினால் மேற்கொள்ளப்பட்டு வரும் செயற்றிட்டங்கள் தொடர்பான மீளாய்வுக் கூட்டம் செவ்வாய்க்கிழமை (21) மாலை மட்டக்களப்பு மாவட்ட செயலகத்தில் அரசாங்க அதிபர் திருமதி பி.ஸ்.எம்.சார்ள்ஸ் தலைமையில் நடைபெற்றது. வட்டத்திட்டமிடல் பணிப்பாளர் ஆர்.நெடுஞ்செழியன் மற்றும்; பலர் கலந்து கொண்டனர். இதன்போது, பிரதேச செயலக, மாவட்ட செலயக உத்தியோகஸ்தர்களுக்கு கணணிகள் வழங்கி வைக்கப்பட்டன.

தேர்தல் பணிகளில் 2 லட்சம் அரச ஊழியர்கள்.

தேர்தல் பணிகளில் 2 லட்சம் அரச ஊழியர்கள்.

நடைபெறவுள்ள பாராளுமன்ற தேர்தலின் போது சுமார் 2 லட்சம் அரச ஊழியர்கள் தேர்தல் பணிகளில் ஈடுபடுத்தப்படவுள்ளதாக தேர்தல்கள் திணைக்களம் தெரிவித்துள்ளது. தேர்தல் தினத்தன்று வாக்கெடுப்பு நிலையங்கள் மற்றும் வாக்கெண்ணும் பணிகளில் இவர்கள் ஈடுபடவுள்ளதாக தேர்தல்கள் திணைக்களத்தின அதிகாரி ஒருவர் குறிப்பிட்டார். தேர்தல் தினத்தன்று வாக்கெடுப்பு நிலையங்களில் மாத்திரம் சுமார் 120000 அரச ஊழியர்களை பணியில் ஈடுபடவுள்ளதாக திணைக்களம் தெரிவித்துள்ளது.